У Вікіпедыі ёсць артыкулы пра іншых асоб з прозвішчам Новаш.
Уладзімір Іванавіч Новаш (29 сакавіка 1924, Мінск — 7 кастрычніка 2004) — беларускі спецыяліст у галіне электраэнергетыкі. Доктар тэхнічных навук (1974), прафесар (1976). Удзельнік Вялікай Айчыннай вайны.
Скончыў Беларускі політэхнічны інстытут (1950), Ленінградскі політэхнічны інстытут (аспірантура, 1953).
Працаваў у Беларускім нацыянальным тэхнічным універсітэце (з 1953, энергетычны факультэт, кафедра «Электрычныя станцыі», прафесар, у 1972—1990 — загадчык кафедры).
Навуковыя інтарэсы: матэматычнае мадэляванне і вылічальны эксперымент у даследаванні і распрацоўцы рэлейнай аховы і аўтаматыкі энергаўстановак.
Званне «Заслужаны дзеяч навукі Беларускай ССР» (1989) і інш.