Тэхналагічна-гуманітарны ўніверсітэт імя Казіміра Пуласкага ў Радаме (польск.: Uniwersytet Technologiczno-Humanistyczny im. Kazimierza Pułaskiego w Radomiu) — польская дзяржаўная вышэйшая навучальная ўстанова са статусам універсітэта, якая знаходзіцца ў Радаме.
Заснаваны ў Радаме ў 1950 годзе як інжынерная школа. У 1965-1974 гадах функцыянавала як Келецка-Радамская вячэрняя інжынерная школа, Келецка-Радамская вышэйшая інжынерная школа. У 1974 годзе на базе Келецка-Радамскай вышэйшай інжынернай школы быў створаны Свентакшыскі політэхнічны інстытут. У 1978 годзе са структур Свентакшыскага політэхнічнага інстытута была выдзелена Вышэйшая інжынерная школа ў Радаме, якой праз год было прысвоена імя Казіміра Пуласкага. Законам ад 4 ліпеня 1996 года вучэльна перайменавана ў Радамскі політэхнічны ўніверсітэт імя Казіміра Пуласкага. 11 верасня 2012 года ён атрымаў сваю сучасную назву.