У Вікіпедыі ёсць артыкулы пра іншых асоб з прозвішчам Мак-Нелі. Тэрэнс Мак-Нелі (3 лістапада 1938 — 24 сакавіка 2020) — амерыканскі драматург , лібрэтыст і сцэнарыст.
Вядомы як «бард амерыканскага тэатра»[5] і «адзін з найвялікшых сучасных драматургаў, якіх да гэтага часу ствараў свет тэатра»[6] . Лаўрэат прэміі Тоні за заслугі (2019)[7][8] і прэміі гільдыі драматургаў (2019)[9]. З 2018 — член Амерыканскай акадэміі мастацтваў і літаратуры(руск.) бел., што з’яўляецца вышэйшым прызнаннем мастацкіх дасягненняў у ЗША[10]. У 1996 годзе быў уключаны ў Залу славы амерыканскага тэатра[11].
Кар’ера Мак-Нелі доўжылася шэсць дзесяцігоддзяў; яго п’есы, мюзіклы і оперы рэгулярна ставіліся па ўсім свеце[12]. На Брадвеі, ён быў адным з нямногіх драматургаў свайго пакалення, якія паспяхова прайшлі ад авангарду да прызнання ў мэйнстрыме[13]. Яго працы былі сканцэнтраваны на праблемах адносін паміж людзьмі. Для Мак-Нелі самай важнай функцыяй тэатра было ўмацаванне супольнасці і пераадоленне адрозненняў паміж людзьмі ў рэлігіі, расе і сексуальнай арыентацыі[14].
Акрамя п’ес і мюзіклаў, напісаў дзве оперы, некалькі кінасцэнарыяў і тэлеп’ес[15][16].
Мак-Нелі быў адкрытым геем. Шмат гадоў пражыў у аднаполым шлюбе з вядомым тэатральным прадзюсарам Томам Кірдахі[en].