Тэадо́р Ля́цкі (? — верасень 1611) — дзяржаўны дзеяч ВКЛ, алхімік. Ротмістр войска Рэчы Паспалітай, пісар польны літоўскі (1601—1611).
Прадстаўнік шляхецкага роду Ляцкіх уласнага герба «Цмок», унук (?) Івана Васілевіча. Меў сына Яна Альфонса Ляцкага.
У маладосці вандраваў па Францыі, Германіі, Італіі, Мальце, Нідэрландах, займаўся алхіміяй (у 1589 годзе ў Рыме спрабаваў ператварыць медзь у срэбра). Актыўны ўдзельнік вайны Рэчы Паспалітай са Швецыяй 1600—1629, Кірхгольмскай бітвы 1605.