У Вікіпедыі ёсць артыкулы пра іншых асоб з прозвішчам Перэльман. Тэадор Львовiч Перэльман (30 верасня 1933, Мінск — 12 кастрычніка 1974) — беларускі фізік. Доктар фізіка-матэматычных навук, прафесар.
Скончыў Беларускі дзяржаўны ўніверсітэт (1957). З 1957 г. у Інстытуце цепла- і масаабмену АН БССР (з 1967 г. загадчык лабараторыі), адначасова выкладаў у БДУ.
Навуковыя працы па матэматычнай фізіцы, тэорыі цеплаправоднасці, цеплафізіцы, статыстычнай фізіцы. Распрацаваў (разам з А. В. Лыкавым) тэарэтычныя асновы спалучаных задач цеплаабмену пры знешнім абцяканні цел і метады іх рашэння. Даследаваў асаблівасці працэсаў пераносу пры сублімацыі цвёрдых цел у вакуум.