Тэадор Юр’евіч А́льтэрман (эст.: Theodor Altermann; 24 лістапада 1885, в. Равіла, Эстонія — 31 сакавіка 1915, Талін, Эстонія) — эстонскі акцёр.
Творчую дзейнасць пачаў у 1902 годзе. Адзін з арганізатараў і акцёр (з 1906) тэатра «Эстонія».
Стварыў яркія вобразы Леа Саалепа і Пійбілехта («Няўлоўны цуд» і «Дамавік» Э. Вільдэ), Барона («Скупы рыцар» А. Пушкіна), Атэла, Гамлета (аднайменныя п’есы У. Шэкспіра). Ігра Альтэрмана вылучалася майстэрствам пераўвасаблення, унутранага маналога. Як рэжысёр паставіў «Няўлоўны цуд», «Маскарад» М. Лермантава, «Без віны вінаватыя» А. Астроўскага і інш.