Тыгран I Вялікі (1 ст. да н.э.) — цар армянскі (~95—56 да н.э.), цар сірыйскі (83—69 да н.э.).
Тыгран быў пасаджаны на трон Арменіі парфянскім царом, але неўзабаве заваяваў Кападокію, Месапатамію, Кілікію, Фінікію і стварыў абшырную дзяржаву, робячыся каля 70 да н.э. наймацнейшым валадаром Пярэдняй Азіі. Тыгран уклаў саюз з Мітрыдатам VI, але быў разбіты Лукулам, і быў змушаны падпарадкавацца Пампею, які пакінуў Тыграну толькі Арменію.
Выявы Тыграна ў галаўным уборы, падобным на старажытнаперсідскую ціяру, сведчаць, што ён, магчыма, жадаў аднавіць старажытнаперсідскую дзяржаву, разбураную Аляксандрам Македонскім[1].