Тур Ульвен (14 лістапада 1953, Осла — 18 мая 1995, Осла) — нарвежскі паэт, пісьменнік, перакладчык.
Адзін з найважнейшых паэтаў нарвежскай літаратуры другой паловы XX стагоддзя. Яго раннія паэтычныя работы напісаны традыцыйным для мадэрнізму верлібрам пад моцным уплывам сюррэалізму, які ён пачаў перакладаць на нарвежскую мову. У пачатку 1980-х гадоў ён здабыў самастойны голас, самабытную па стылістыцы і тэматыцы манеру пісьма. У апошнія гады жыцця Ульвен пераважна публікаваў прозу. Быў узнагароджаны некалькімі прэміямі (Obstfelder prize, Hartvig Kirans prize). Скончыў жыццё самагубствам.