Турфанская ўпадзіна[1] — тэктанічная ўпадзіна, знаходзіцца на тэрыторыі Сіньцзян-Уйгурскага аўтаномнага раёна Кітая. Абсалютная вышыня паверхні Зямлі тут дасягае −154 м. Упадзіна з’яўляецца самым нізкім пунктам Усходняй Азіі і трэцяй па глыбіні ў свеце пасля катлавіны Мёртвага мора і возера Асаль.
У паўночнай частцы катлавіны знаходзіцца горад-аазіс Турфан, а прыкладна за 180 км на паўночны захад размешчана сталіца аўтаномнага раёна горад Урумчы. У цэнтральнай частцы ўпадзіны захаваліся разваліны старажытнага горада Гаачан.