Торыі Кіёнобу (яп. 鳥居 清信 1664—1729) — японскі мастак, майстар укіё-э, адзін з заснавальнікаў дынастыі Торыі.
Торыі Кіёнобу — адзін з вядучых майстроў ранняга перыяду укіё-э і заснавальнікаў дынастыі мастакоў Торыі. Ён вучыўся ў свайго бацькі Торыі Кіёмота, вядомага акцёра і вытворцы тэатральных афіш і плакатаў. Таксама Кіёнобу знаходзіўся пад уплывам майстра Хісікава Маранобу, тым не менш ён стварыў уласны стыль і стаў родапачынальнікам жанру якуся-э — партрэты акцёраў на афішах, плакатах і ў станковай гравюры. Акцёраў Кіёнобу маляваў у спецыяльна прыманых імі позах («міэ») у ролі арагота (адважных герояў). Герояў Кіёнобу афарбоўваў у аранжавы колер, які лічыўся высакародным, а злыдні адлюстроўваліся загрыміраванымі ў сіні колер. Для таго каб надаць кампазіцыям вялікі запал мастак вынайшаў адмысловы тып малюнка мімідзугакі («чарвепадобныя»): звілістыя лініі, чаргаванне тонкіх і тоўстых рысак з сумяшчэннем з гратэскавай выявай мускулаў рук і ног (хётан-асі).