У Вікіпедыі ёсць артыкулы пра іншых асоб з прозвішчам Джонс. Томі Лі Джонс (англ.: Tommy Lee Jones; нар. 15 верасня 1946, Сан-Саба, Тэхас, ЗША) — амерыканскі акцёр і кінарэжысёр. Чатыры разы быў намінаваны на прэмію «Оскар» — выйграў у 1994 годзе ў катэгорыі «лепшая мужчынская роля другога плана» за ролю ў фільме «Уцякач». Найбольш вядомы ў амплуа абыякавых, разумных шэрыфаў, следчых і спецагентаў («Уцякач», «Служыцелі закона», «Людзі ў чорным», «Старым тут не месца»), хоць паспяхова граў і эксцэнтрычных зладзеяў («У аблозе», «Бэтмэн назаўжды»).