Таццяна Мікалаеўна Хадневіч (нар. 3 снежня 1954, Кавалёва, зараз у межах г. Мар’іна Горка Пухавіцкага раёна Мінскай вобласці) — беларускі палітык.
У 1972 годзе скончыла сярэднюю школу № 4 г. Мар’іна Горка[1]. У 1978 годзе скончыла юрыдычны факультэт Беларускага дзяржаўнага ўніверсітэта.
У 1995 годзе была абрана дэпутатам Вярхоўнага Савета Рэспублікі Беларусь 13-га склікання па 203-й Рудзенскай выбарчай акрузе. У лістападзе 1996 года ўвайшла ў склад Палаты прадстаўнікоў Нацыянальнага сходу Рэспублікі Беларусь, дзе працавала намеснікам старшыні Пастаяннай камісіі па нацыянальнай бяспецы.