У Вікіпедыі ёсць артыкулы пра іншых асоб з прозвішчам Ханіна. Таццяна Майсееўна Ханіна (2 лютага 1937, Менск — 21 кастрычніка 2021) — беларускі архітэктар.
Скончыла Беларускі політэхнічны інстытут у 1961 годзе. Працавала архітэктарам, кіраўніком групы архітэктараў у Мінскпраекце, галоўным архітэктарам праектаў у Белдзіпрагандлі, загадчык сектара ў БелНДІдзіпрасельбудзе, з 1981 г.— у Мінскім мастацка-вытворчым камбінаце.
Член Саюза архітэктараў СССР з 1961 года. Жыла ў Мінску. Памерла 21 кастрычніка 2021 года[1].
Асноўныя працы (у аўтарскім калектыве): 10-павярховы жылы дом па вул. Харкаўскай, 82 (1969), парк імя 50-годдзя БССР (1970) у Мінску, жылыя дамы для будаўнікоў у сельскай мясцовасці (1975).