Тату́л Крпея́н (арм.: Թաթուլ Կրպեյան) (21 красавіка 1965 — 30 красавіка 1991) — Нацыянальны Герой Арменіі, камандзір самаабароны Геташэнскага падраёна ў 1990-1991 гг, удзельнік Карабахскай вайны[1].
З верасня 1990 года па май 1991 года быў камандзірам самаабароны армянанаселеных сёл Паўночнага Карабаха Геташэн і Мартунашэн. У той жа час ён выкладаў гісторыю і геаграфію ў дзвюх школах Геташэна.
Нарадзіўся 21 красавіка 1965 года ў сяле Арэг Талінскага падраёна вобласці Арагацотн Армянскай ССР. У наш час роднае сяло Татула Крпеяна ў памяць пра яго носіць яго імя — Татул. У 1982 годзе з адрозненнем скончыў сярэднюю школу. Па сканчэнню службы ў шэрагах Савецкай Арміі ў 1987 годзе паступіў на факультэт гісторыі Ерэванскага дзяржаўнага ўніверсітэта (ЕДУ).
Татул Крпеян загінуў 30 красавіка 1991 года ў сяле Геташэн, баронячы грамадзянскае насельніцтва падчас аперацыі «Кольца». Пахаваны ў сяле Татул (Арэг).
У 1993 годзе выйшла ў святло складанка вершаў Татула Крпеяна — «Татул». 20 верасня 1996 года загадам Прэзідэнта Рэспублікі Арменія, пасмяротна, Татул Крпеян быў ганараваны званні «Нацыянальны Герой Рэспублікі Арменія» і ўзнагароджаны ордэнам «Радзіма» (Айрэнік).