У Вікіпедыі ёсць артыкулы пра іншых асоб з прозвішчам Голубева. Тамара Аляксееўна Голубева (нар. 25 мая 1955) — беларуская дызайнерка. Член Грамадскага аб’яднання Беларускі саюз дызайнераў.
Нарадзілася ў Ленінградзе 25 мая 1955 года. Бацька Аляксей Васілевіч Голубеў, 1922 года нараджэння, працаваў старшым інжынерам-сіноптыкам у штабе ВПС БВА. Маці, Аляксандра Аляксандраўна Голубева, 1924 года нараджэння, працавала загадчыцай бібліятэкі. Тамара Голубева з 1962 па 1972 вучылася ў сярэдняй школе г. Мінска.
У 1972 годзе паступіла ў Беларускі дзяржаўны тэатральна-мастацкі інстытут на кафедру «прамысловае мастацтва». Пасля заканчэння інстытута ў 1977 годзе яе накіравалі па размеркаванні ва Усесаюзны навукова-даследчы інстытут тэхнічнай эстэтыкі, дзе Тамара працавала на пасадзе мастака-канструктара ў сектары мастацкага канструявання комплексных аб’ектаў. З 1982 года стала працаваць на пасадзе старшага мастака-канструктара.
Тэмы гэтай старонкі (17):