У Вікіпедыі ёсць артыкулы пра іншых асоб з прозвішчам Шымко.
Тамара Іванаўна Шымко (нар. 28 красавіка 1928, Мінск — 9 кастрычніка 2017, Мінск) — беларуская спявачка (лірычнае сапрана), педагог. Народная артыстка Беларусі (1963).
Скончыла Беларускую кансерваторыю (1952, клас Вольгі Несцярэнка). У 1963 годзе стажыравалася ў Італіі (Рым, Мілан) як стыпендыянт ЮНЕСКА. У 1952-84 гадах салістка Дзяржаўнага тэатра оперы і балета Беларусі. з 1981 года выкладчык Беларускага педагагічнага ўніверсітэта. Стварыла яркія запамінальныя вобразы, якія вылучаюцца пранікнёнасцю і праўдзівым увасабленнем.