Сіп белагаловы
Белагаловы сіп (Gyps fulvus) — буйная драпежная птушка сямейства каршаковых, падальнікі.
Апісанне
Вельмi вялiкi. Даўжыня цела 95—110 см, размах крылаў 240—280 см. Галава, шыя i верх цела белаватыя, махавыя цёмныя. Нiз цела рыжаваты, у маладых нiз цямнейшы i цёмны каўнер. Ад чорнага грыфа адрознiваецца формай хваста. Звычайна сустракаюцца некалькi асобiн разам. Голас: цiхiя, чутныя толькі зблізку каркаючыя i шыпячыя гукi, якія выдаюць толькi ў гнездавы перыяд.
Пашырэнне
Распаўсюджаны на засушлівых горных і раўнінных ландшафтах. Арэал разарваны: Паўднёвая Еўропа, Малая Азія i Паўднёвая Азія (акрамя ўсходняй часткi), Паўночная i Паўднёвая Афрыка. Насяляе сухiя адкрытыя тэрыторыi на краі абрываў альбо гор (200—2750 м), у пошуках харчавання адзначаны ў далiнах i на раўнiнах (асаблiва пад час качовак).
Аселы. Мноства асобiн качуе, у гэты час залятаюць у Ірландыю, Вялiкабрытанiю, Бельгію, Галандыю, Германiю, Данiю, Нарвегію, Швецыю, Фiнляндыю, Эстонію, Латвію, Літву, Польшчу, Чэхію, Славакію, Венгрыю, Швейцарыю, Румынію, Беларусь, Малдавію, а таксама ў Сiбiр.
Арэал і агульная колькасць гэтага віду паступова скарачаюцца. На тэрыторыі Беларусі вельмі рэдкі, выпадкова залётны від.
Асаблівсці біялогіі
Гняздо пераважна ў невялікай калонii, у шчылiнах альбо на скальных уступах, у нiшах i ўваходах у пячоры, на абрывістых скалах, зрэдку ў старых гнёздах на дрэвах, плоская кучка сухiх галiн з высцiлкай з галiнак i сухой травы.
Яйка адно (калі два, то яны адкладзены дзвюм самкамі), амаль элiптычныя, з шурпатай паверхняй, брудна-белыя са светла-бурымi альбо светла-чырвонымi мазкамi; часам без мазкоў. Памеры: 92,0 х 70,5 мм.
Падвiды
- G. f. fulvus — Паўночна-заходняя Афрыка i ад Пiрэнейскага п-ва на ўсход праз Балканы, Малую Азiю, Блізкі Усход, Аравiйскi п-аў i Iран (да Памiра i Алтая)
- G. f. fulvescens — Афганiстан, Пакiстан, паўночная Iндыя (да Асама).
Літаратура
- Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.
Катэгорыя·Птушкі Афрыкі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Жывёлы паводле алфавіта
Катэгорыя·Грыфавыя
Катэгорыя·Жывёлы, апісаныя ў 1783 годзе
Катэгорыя·Птушкі Еўразіі
Катэгорыя·Віды па-за небяспекай