Сілін мост — аўтадарожны арачны мост цераз Карпаўку ў Петраградскім раёне Санкт-Пецярбурга, злучае Петраградскі і Аптэкарскі востраў. Размешчаны па восі Каменнаастроўскага праспекта. Вышэй па цячэнні знаходзіцца Петрапаўлаўскі мост, ніжэй — Геслероўскі мост. Бліжэйшая станцыя метрапалітэна — «Петраградская».
У «Санкт-Пецярбургскіх ведамасцях» за 1795 год мост названы Каменнаастроўскім. Існая назвв вядомая з 1798 года і дадзена па прозвішчы ўладальніка зямельнага ўчастка, купца Фёдара Сілыча Сіліна. У XIX стагоддзі існавалі яшчэ два найменні — Карпаўскі і Гарбаты. 9 ліпеня 1934 года мост быў перайменаваны ў Піянерскі. Назва праіснавала да 4 кастрычніка 1991 года, пасля чаго мост зноў пачаў называцца Сілін.