У Вікіпедыі ёсць артыкулы пра іншых асоб з прозвішчам Наўроцкі. Сігізмунд Францавіч Наўроцкі (4 красавіка 1903, Варшава — 15 верасня 1976, Кіеў) — беларускі і ўкраінскі рэжысëр, сцэнарыст. Член Саюза кінематаграфістаў Украінскай ССР.
У 1925 годзе скончыў магілёўскія курсы кіраўнікоў самадзейнасці, у 1932 — юрыдычны факультэт Беларускага ўніверсітэта, у 1934 — рэжысёрскі факультэт Усесаюзнага дзяржаўнага інстытута кінематаграфіі. Некаторы час працаваў пракурорам у Мінску. У 1934—1941 працаваў асістэнтам рэжысëра, рэжысëрам ігравога і навукова-папулярнага кіно на кінастудыі «Ленфільм», «Белдзяржкіно», затым у 1941—1943 — на Цэнтральнай Аб’яднанай кінастудыі мастацкіх фільмаў — ЦАКС у Алма-Аце. З 1944 — рэжысëр Кіеўскай кінастудыі.