Сібірскі хаскі (англ.: Siberian Husky) — парода сабак, выведзеная як ездавая, адна з найстаражытнейшых. Цяпер выкарыстоўваецца як сабака-кампаньён і шоу-выставачны сабака.
Родам хаскі з Сібіры. Даволі пэўна можна думаць, што парода выведзена чукчамі, якія жылі ў качавых умовах і адбіралі сабе ездавых сабак максімальна прыдатных для суровых прыродных умоў.
Назву парода атрымала ў памяць пра паўночныя народы, бо слова «хаскі» ёсць скажэннем “эскі” («эскімос»)[2].