Сяргей Мікалаевіч Давідзенкаў (руск.: Сергей Николаевич Давиденков; 1880-1961) — савецкі вучоны-медык, сапраўдны член Акадэміі медыцынскіх навук СССР (1945), заслужаны дзеяч навукі РСФСР (1934).
Заснавальнік клінічнай нейрагенетыкі і аўтар гэтага тэрміна. Арганізатар першых у свеце медыка-генетычных кансультацый (Масква, 1920 і Ленінград, 1934). Прапанаваў класіфікацыю спадчынных захворванняў нервовай сістэмы, якую выкарыстоўваюць і дагэтуль.
Быў знаёмы з многімі генетыкамі і неўролагамі свету. Неаднаразова выязджаў у навуковыя камандзіроўкі ў Францыю, Вялікабрытанію, ЗША. Актыўна супрацоўнічаў з акадэмікам І. П. Паўлавым і яго лабараторыяй.