У Вікіпедыі ёсць артыкулы пра іншых асоб з прозвішчам Дзянісаў. Сяргей Дзмітрыевіч Дзянісаў (нар. 1954) — беларускі вучоны-медык, спецыяліст у галіне анатоміі. Кандыдат медыцынскіх навук (1981), прафесар (1993). Лаўрэат Дзяржаўнай прэміі Рэспублікі Беларусь (1994).
Намеснік старшыні нацыянальнага камітэта па біяэтыцы, старшыня камітэта па біяэтыцы БДМУ, член савета педыятрычнага факультэта, член навукова-метадычнай рады ўніверсітэта. Член грамадскага аб’яднання «Белая Русь».
Асноўныя напрамкі навуковых даследаванняў: вывучэнне эвалюцыі вегетатыўнай нервовай сістэмы ў чалавека і жывёл у норме і пры ўздзеянні пашкоджвальных фактараў, варыянтная і клінічная анатомія, праблемы біямедыцынскай этыкі, сучасныя аспекты навуковай арганізацыі навучальнага працэсу.