Сяргей Барысавіч Рэпкін (нар. 15 студзеня 1979, г. Брэст) — беларускі эканаміст, спартыўны трэнер (гандбол). Кандыдат эканамічных навук (2017), дацэнт (2011).
Скончыў Рэспубліканскае вучылішча алімпійскага рэзерву (спецыяльнасць «Фізічная культура і спорт», 1998), Беларускі дзяржаўны эканамічны ўніверсітэт (спецыяльнасць «Эканоміка і кіраванне на прадпрыемстве», 2004; аспірантура, 2008).
Працаваў у спецыялізаванай дзіцяча-юнацкай школе алімпійскага рэзерву (1999, трэнер-выкладчык), Кастрычніцкім ФАЦ (Мінск, 1999—2001, трэнер-выкладчык), Рэспубліканскім цэнтры алімпійскай падрыхтоўкі па гандболу (1999, 2001—2004, трэнер-выкладчык), Беларускім дзяржаўным эканамічным універсітэце (2004—2017, кафедра фізічнай культуры і спорту, з 2009 — загадчык кафедры), Беларускім дзяржаўным універсітэце фізічнай культуры (з 05.2017, рэктар).
Навуковыя інтарэсы: эканоміка спорту.