У Вікіпедыі ёсць артыкулы пра іншых асоб з прозвішчам Мікульскі. Сямён Пятровіч Мікульскі (3 (15) верасня 1896, в. Ківачына Пружанскага павета, цяпер у Пружанскім раёне — 8 мая 1964) — савецкі ваенны дзеяч, генерал-лейтэнант (1944).
Скончыў Ваенную акадэмію імя Фрунзэ (1929), аператыўны факультэт гэтай акадэміі (1934), Ваенную акадэмію Генштаба (1948). У арміі з 1915, у Чырвонай Арміі з 1918. Удзельнік грамадзянскай (1918—1920) і савецка-фінляндскай (1939—1940) войнаў. У Вялікую Айчынную вайну на Ленінградскім, Волхаўскім, Карэльскім, 3-м Прыбалтыйскім і 2-м Беларускім франтах; камандзір дывізіі, начальнік штаба, намескнік камандуючага арміяй і войскамі Волхаўскай аператыўнай групы, камандзір корпуса, камендант г. Гданьск. У 1946—1955 выкладчык Ваеннай акадэміі Генштаба.