У гэтага паняцця ёсць і іншыя значэнні, гл. Сым (значэнні).
Сым (руск.: Сым) — рака ў Заходняй Сібіры, у Краснаярскім краі Расіі, левы прыток Енісея.
Даўжыня ракі з Правым Сымам складае 694 км, плошча вадазбору — 31 600 км². Сярэдні расход за 215 км ад вусця — 175[1] м³/с (за 200 км ад вусця 192 м³/с, сярэдні аб’ём сцёку — 6,06 км³/год[2]). Бярэ пачатак і цячэ сярод балот усходняй ускраіны Заходне-Сібірскай раўніны. Рэчышча меандруючае і разбіваецца на рукавы[2]. Жыўленне — змяшанае з перавагай снегавога. Рака суднаходная на 265 км (140[3] км) ад вусця, замярзае ў кастрычніку — пачатку лістапада, вызваляецца ад лёду ў маі.
Прытокі: Малы Сым, Тунсым, Суленсым, Альсым, Унтугла, Куліндра, Топка, Кукоча, Ірапчыма, Нара, Екандра, Пурчэ, Энгельчэс (Левы Энгельчэс), Чафам, Сухая, Палбумчэс, Кідэнчэс, Кубчэс, Кашылава, Іштык, Лісцвяжная, Паўднёвы Лунчэс, Азёрная, Пшанічная, Лунчэс і інш.[3]. У басейне ракі 3867 азёр агульнай плошчай 203 км²[2].