Сцяпан Макаравіч Сілюк (нар. 15 кастрычніка 1943, в. Бучамль, Камянецкі раён, Брэсцкая вобласць) — беларускі энергетык. Кандыдат тэхнічных навук (1976), дацэнт (1981).
Скончыў Беларускі політэхнічны інстытут (спецыяльнасць «Электразабеспячэнне прамысловых прадпрыемстваў, гарадоў і сельскай гаспадаркі»; аспірантура, спецыяльнасць «Электрычныя станцыі», 1973).
Працаваў у Беларускім нацыянальным тэхнічным універсітэце (энергетычны факультэт, дацэнт кафедры «Электрычныя станцыі», у 1987—2013 — дэкан факультэта).
Навуковыя інтарэсы: рэжымы работы і пераходныя працэсы ў энергетычных сістэмах.
Медаль Рэспублікі Беларусь «За працоўныя заслугі» (2007), знак «Почетный энергетик Республики Беларусь» (1995).