Сцяг Слаўгарада — адзін з афіцыйных сімвалаў горада Слаўгарад і Слаўгарадскага раёна. Сцяг і герб зацверджаны Указам Прэзідэнта Рэспублікі Беларусь ад 3 студзеня 2005 г. № 1.
Сцяг уяўляе сабой прамавугольнае палотнішча з суадносінамі бакоў 1:2, на якім размешчаны тры гарызантальныя паласы: роўныя верхняя і ніжняя палосы блакітнага колеру, пасярэдзіне паласа жоўтага колеру, якая складае 1/4 шырыні палотнішча сцяга.