Сцяг Клічава — адзін з афіцыйных сімвалаў горада Клічаў і Клічаўскага раёна. Сцяг Клічава зацверджаны Указам Прэзідэнта Рэспублікі Беларусь ад 24 жніўня 2006 г. № 526.
Сцяг уяўляе сабой прамавугольнае палотнішча з суадносінамі бакоў 1:2, якое складаецца з трох роўнавялікіх гарызантальных палос, верхняй - жоўтага, сярэдняй - зялёнага, ніжняй - белага колеру, у цэнтры пярэдняга боку якога - выява герба горада Клічава і Клічаўскага раёна.