Сусветная федэрацыя дэмакратычнай моладзі (англ.: World Federation of Democratic Youth, WFDY) — міжнародная моладзевая арганізацыя левага кірунку.
Была заснавана 10 лістапада 1945 г у Лондане. Лічыцца прадаўжальніцай справы Камуністычнага інтэрнацыяналу моладзі. Ад СССР у СФДМ ўваходзілі прадстаўнікі УЛКСМ і Камітэта моладзевых арганізацый СССР. У перыяд росквіту аб’ядноўвала больш за 100 мільёнаў юнакоў і дзяўчат 250 моладзевых арганізацый з 115 краін (1985). Пасля распаду СССР перажыла перыяд крызісу, але па-ранейшаму аб’ядноўвае дзясяткі моладзевых арганізацый па ўсім свеце. СФДМ з’яўляецца арганізатарам Сусветнага фестывалю моладзі і студэнтаў. Штаб-кватэра СФДМ знаходзіцца ў Будапешце.