У Вікіпедыі ёсць артыкулы пра іншых асоб з прозвішчам Асрыеў. Сумбат Аракелавіч Асрыеў (15 верасня 1906, Нор Шэн, цяпер Мартунінскі раён, Нагорна-Карабахская Рэспубліка — 27 верасня 1981) — азербайджанскі і беларускі архітэктар.
Скончыў у 1931 годзе Азербайджанскі політэхнічны інстытут. Працаваў у праектных арганізацыях Баку. Член Саюза архітэктараў СССР з 1934 годзе. Член КПСС з 1941 года. Удзельнік Вялікай Айчыннай вайны.
Працаваў намеснікам галоўнага архітэктара Дзяржархбудкантролю курортаў Сочы, начальнікам праектна-каштарыснага аддзела трэста «Сочыспецбуд», Ваенпраекта БВА, з 1971 па 1973 г. — старэйшым інжынерам у Белкамунпраекце.
Асноўныя працы: праекты планіровак машынна-трактарных станцый, калгасаў і саўгасаў Азербайджанскай ССР (1931—1941, у аўтарскім калектыве), раёна індывідуальнай забудовы ў Сочы, рэканструкцыі жылых пасёлкаў ЧБВА (1952—1967, у аўтарскім калектыве).
Узнагароджаны ордэнам Чырвонай Зоркі, медалямі.