Стэфан Тызенгаўз (? — 24 снежня 1708) — дзяржаўны дзеяч Вялікага Княства Літоўскага.
Падстолі ВКЛ у 1687 годзе, кухмістр у 1687—1689, ваявода новагародскі з 1689. Быў таксама старостам купішскім і дыяменцкім.
Сын купішскага старосты Вільгельма Тызенгаўза і Кацярыны Цяхомскай. Ажаніўся з Барбарай Шэмет, дачкой слонімскага падкаморага Габрыэля Шэмета. Пакінуў дзяцей Яна Стэфана, Юрыя, Міхала Бенедыкта, Станіслава, Вільгельма.