wd wp Пошук: ⬜

Стэфан Томаш

У Вікіпедыі ёсць артыкулы пра іншых асоб з прозвішчам Томаш. Стэфан Томаш (басн.: Stjepan Tomaš, ? — 10 ліпеня 1461) — кароль Босніі ў 1443—1461 гадах.

Біяграфія

Стэфан Томаш быў незаконным сынам караля Стэфана Остаі. Ён узышоў на трон пасля смерці ў 1443 годзе бяздзетнага караля Тврткі II.

У маладосці Стэфан Томаш, як і большасць жыхароў Босніі, быў багумілам, аднак пазней прыняў каталіцтва. 19 мая 1445 года Папа Яўген IV прызнаў яго каралём Босніі і даў дазвол на развод з Воячай. 26 мая 1446 года Стэфан Томаш ажаніўся з Катарынай, дачкой багатага герцага Стэфана Вукшыча Косача з сучаснай Герцагавіны, што паклала канец палітычнай нестабільнасці ў краіне.

Дзеці

Ад шлюбу з Воячай у Стэфана Томаша быў сын:

Стэфан Тамашавіч (? — 1463), апошні кароль Босніі

Ад шлюбу з Катарынай у Стэфана Томаша было трое дзяцей:

Кацярына
Жыгімонт (пераехаў у Асманскую імперыю, прыняў іслам і змяніў імя на Ішак-бей Кралаглу)
сын (імя невядома)

Зноскі

↑ The House of Kotromanic Праверана 15 студзеня 2022.
↑ Bosnia & Hercegovina Праверана 15 студзеня 2022.

Спасылкі

На Вікісховішчы ёсць медыяфайлы па тэме Стэфан Томаш