Стру́нка — рака ў Полацкім раёне Віцебскай вобласці, правы прыток Заходняй Дзвіны.
Даўжыня ракі 21 км. Плошча вадазбору 123 км². Сярэдні нахіл воднай паверхні 1,4 м/км. Пачынаецца за 1 км на захад ад вёскі Шылы, вусце каля вёскі Слабада Саланіцкага сельсавета. Прыток — рака Тросніца (справа). Рэчышча ад вытоку на працягу 4 км каналізаванае.
Каля ракі вёскі Шчарбакі, Зарачаны, Струнне, Ёўніна, Белаводка, Арэхавічы, Гаравыя.