wd wp Пошук: ⬜

Стаўрас Хрыстафарыдзіс

Стаўрас Хрыстафарыдзіс (грэч.: Σταύρος Χριστοφορίδης) — грэчаскі біятланіст, удзельнік двух Алімпійскіх гульняў.

Біяграфія

Нарадзіўся ў вёсцы Ноес, якая зараз з’яўляецца часткай горада Ротэнбург, у Саксоніі. Пачаў займацца біятлонам у 1990 годзе і з таго часу ўваходзіць у склад нацыянальнай каманды. Жыве ў грэчаскім горадзе Драма, трэніраваўся ў Верыі. Выступаў за спартыўны клуб «Драма».

Кар’ера

Першым міжнародным стартам для грэка стала індывідуальная гонка на этапе Кубка свету ў аўстрыйскім Бад-Гаштайне ў 1993 годзе, дзе ён фінішаваў 132-м са 136 удзельнікаў. На працягу 15 гадоў, за выключэннем сезону 1996/1997, выступаў на этапах Кубка свету. Лепшым вынікам з’яўляецца 73-е месца ў індывідуальнай гонцы на чэмпіянаце свету 2003 года ў Ханты-Мансійску.

Удзельначаў у трох чэмпіянах Еўропы (2000, 2001, 2007). У палове гонак не фінішаваў, лепшым стала 57-е месца ў спрынце ў 2000 годзе ў польскім Касцеліска.

У Кубку Еўропы ўпершыню выступіў у 2003 годзе. Лепшы вынік — 7-е месца ў спрынце ў балгарскім Банска ў сезоне 2008/2009.

Двойчы (2002, 2006) прымаў удзел у Алімпійскіх гульнях. Лепшы вынік — 83-е месца ў спрынце на трасах Чэзана-Сан-Сікарыё ў 2006 годзе.

Апошнім выступам на міжнародных спаборніцтвах па біятлоне стаў чэмпіянат свету 2008 года ў шведскім Эстэрсундзе. Пасля гэтага да 2012 года стартаваў у лыжных гонках у Балканскім Кубку.

Удзел у Чэмпіянатах свету

Год	Месца правядзення	Інд	Спр	Прс	Эст
1995	ЧС Антэрсельва	83	84	—	23
1996	ЧС Рупольдынг	88	88	—	—
2000	ЧС Халменколен	88	84	—	—
2001	ЧС Паклюка	81	93	—	—
2003	ЧС Ханты-Мансійск	73	84	—	—
2004	ЧС Оберхоф	93	103	—	—
2005	ЧС Гохфільцэн	100	103	—	—
2007	ЧС Антэрсельва	103	89	—	—
2008	ЧС Эстэрсунд	96	107	—	—

Удзел у Чэмпіянатах Еўропы

Год	Месца правядзення	Інд	Спр	Прс	Эст
2000	ЧЕ Касцеліска	DNF	57	—	—
2001	ЧЕ От-Мар'ен	60	DNF	—	—
2007	ЧЕ Банска	DNF	58	DNS	—

Удзел у Алімпійскіх гульнях

Год	Месца правядзення	Інд	Спр	Прс	Эст
2002	Солт-Лейк-Сіці	85	85	—	—
2006	Турын	87	83	—	—

Зноскі

Спасылкі

Профіль IBU(англ.)
Профіль FIS(англ.)