Станіслаў Ежы Агінскі (1710 — 14 чэрвеня 1748) — дзяржаўны дзеяч Вялікага Княства Літоўскага. Кашталян мсціслаўскі (1738—1740) і віцебскі (з 1740).
Трымаў Мерацкае, Жукаўскае і Вярбоўскае староствы.
Прыхільнік Станіслава Ляшчынскага ў 1733. У 1742 годзе атрымаў Ордэн Белага Арла.
Паходзіў са старэйшай княскай лініі роду Агінскіх, сын Марцыяна Міхала і Тэрэзы з Бжастоўскіх. Быў жанаты з Марыянай Агінскай, дачкой віленскага ваяводы Казіміра Дамініка. Меў сыноў Матэвуша і Алёйзыя.