Пасля заканчэння Першай сусветнай вайны і распаду Асманскай імперыі тры былыя асманскія вілаеты, якія складалі сучасны Ірак, перайшлі пад кантроль Вялікабрытаніі, што неўзабаве выклікала незадаволенасць сярод насельніцтва. Для таго, каб хваляванні спыніліся, у 1921 годзе ў Іраку была заснавана манархія. Кіруючай стала дынастыя Хашымітаў, першым каралём — Фейсал I, былы кароль Сірыі, а таксама сын першага караля Хіджаза Хусейна бен Алі. 96 % іракцаў, якія галасавалі падчас плебісцыту, выказаліся на карысць манархіі.
Каралеўства Ірак існавала на працягу 37 гадоў. У 1958 годзе ў краіне адбыўся дзяржаўны пераварот, які ўвайшоў у гісторыю як Ліпеньская рэвалюцыя. Вынікам перавароту стала звяржэнне манархіі і ўсталяванне рэспубліканскай улады ў Іраку.
Партрэт | Імя | Дата нараджэння | Пачатак кіравання | Канец кіравання | Дата смерці |
---|---|---|---|---|---|
Фейсал I араб. فيصل بن حسين |
20 мая 1883 | 23 жніўня 1921 | 8 верасня 1933 | 8 верасня 1933 | |
Газі I араб. غازي |
21 сакавіка 1912 | 8 верасня 1933 | 4 красавіка 1939 | 4 красавіка 1939 | |
Фейсал II араб. فيصل الثاني |
2 мая 1935 | 4 красавіка 1939 | 14 ліпеня 1958 | 14 ліпеня 1958 | |