Соленцкі ўніверсітэт
Соленцкі ўніверсітэт (англ.: Solent University) — брытанская дзяржаўная даследчая вышэйшая навучальная ўстанова са статусам універсітэта з сядзібай у горадзе Саўтгемптан.
Агульная характарыстыка
Паходжанне універсітэта можна прасачыць ад прыватнай школы мастацтваў, заснаванай у 1856 годзе, якая ў выніку стала Саўтгемптанскім каледжам мастацтваў. Зліццё з Саўтгемптанскім тэхналагічным каледжам, а затым і Варсашскім каледжам марскіх студый прывяло да стварэння Саўтгемптанскага інстытута вышэйшай адукацыі ў 1984 годзе.
Саўтгемптанскі інстытут стаў універсітэтам 12 ліпеня 2005 года. Да гэтага Саўтгемптанскі інстытут аказваў дапамогу Нотынгемскаму Трэнцкаму ўніверсітэту ў наданні ступеняў, арыентаваных на бізнес, якія тычацца бухгалтарскага ўліку і фінансаў.
У 2015 годзе ўніверсітэт заключыў пагадненне з Лонданскім новым гуманітарным каледжам, у адпаведнасці з якім ён будзе пацвярджаць некаторыя з іх ступені. У лістападзе 2017 года Таемны савет зацвердзіў з 2018 года змену назвы Саўтгемптанскага Соленцкага ўніверсітэта на Соленцкі ўніверсітэт.
Зноскі
- ↑ https://www.solent.ac.uk/staff/governor/professor-karen-stanton
- ↑ https://www.hesa.ac.uk/data-and-analysis/students/where-study
Спасылкі
На Вікісховішчы ёсць медыяфайлы па тэме Соленцкі ўніверсітэт- Афіцыйная інтэрнэт-старонка ўстановы
Катэгорыя·Саўтгемптан
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Універсітэты Вялікабрытаніі
Катэгорыя·Навучальныя ўстановы, заснаваныя ў 1856 годзе