Слава Камісаранка (нар. 27 ліпеня 1985, Мінск, Беларуская ССР, СССР) — беларускі комік, удзельнік тэлепраекта «Stand Up» на расійскім тэлеканале ТНТ.
Скончыў Беларускі дзяржаўны эканамічны ўніверсітэт, дзе стварыў з аднакурснікам дуэт «Сумленне». У 2008 годзе ў складзе «Сумлення» ён дэбютаваў у праекце «Смех без правіл» і заняў другое месца.
У лістападзе 2020 года на выпуску шоу «Што было далей?» Камісарка распавядаў, як не мог вярнуцца з Турцыі ў Расію праз каранавірусныя абмежаванні, таму коміку давялося ляцець да Мінска, а ўжо адтуль ехаць у Маскву. «З беларускім пашпартам трэба атрымліваць візу ў кожную краіну свету, таму што наш Чык-Чырык з усім светам перасварыўся. Нам нікуды нельга! І ўжо калі я загаварыў. Вы ў курсе наогул, што ў Беларусі адбываецца? Вы бачылі, як у Чык-Чырыка фляга свішча?»— абураўся Камісаранка[1].
4 студзеня 2021 года Славе Камісаранку анулявалі гастрольныя пасведчанні на выступленні ў Мінску 10 і 11 красавіка, але канцэрты ў Віцебску і Гомелі застаюцца ў сіле[2]. 5 студзеня на канцэрце ў Екацярынбургу Слава Камісаранка пачаў сваё выступленне са слоў «Вось што адбылося: цяпер усе мае канцэрты ў Беларусі забароненыя, адмянілі маё гастрольнае пасведчанне. Іранічна, што ўсім канцэрты адмяняе каранавірус, а мне — галоўны Кавід-дысідэнт. Так што я цяпер не бачу сэнсу стрымлівацца»[3].
Пасля забароны на выступы ў Мінску комік перабраўся ў Маскву. Праз год на канцэрце ў Кіеве Камісаранка заявіў, што пакінуў Расію, баючыся выкрадання з боку КДБ Беларусі[4].