Скупо́е[1] — возера ў Беларусі, у Іванаўскім раёне Брэсцкай вобласці, у басейне ракі Ясельда, прыкладна за 0,4 км на поўдзень ад аграгарадка Тышкавічы.
Плошча паверхні возера складае 0,13 км². Даўжыня 0,63 км, найбольшая шырыня 0,3 км. Найбольшая глыбіня 2,5 м, сярэдняя — 1,3 м. Аб’ём вады 0,17 млн м³. Катлавіна возера выцягнутая ў напрамку з паўночнага захаду на паўднёвы ўсход. Схілы катлавіны нізкія, месцамі забалочаныя. Берагі маюць вышыню 0,3—0,5 м.