У Вікіпедыі ёсць артыкулы пра іншых асоб з прозвішчам Шэпард. Скот Шэпард (англ.: Scott S. Sheppard; 1977) — амерыканскі астраном факультэта зямнога магнетызму інстытута Карнегі.
Вучыўся ў Гавайскім універсітэце, дзе атрымаў ступень доктара філасофіі па астраноміі ў 2004 годзе.
З яго імем звязваецца адкрыццё шматлікіх малых спадарожнікаў Юпітэра, Сатурна, Урана і Нептуна. Акрамя таго, адкрыў другі па ліку траянскі астэроід Нептуна - 2004 UP10, а таксама некалькі аб’ектаў пояса Койпера, кентаўраў, калязямных астэроідаў.
Яго імем названы астэроід 17898 Скот Шэпард.