Сержы Лопес-і-Аяц (катал.: Sergi López i Ayats; нар. 22 снежня 1965) — іспанскі акцёр каталонскага паходжання.
Нарадзіўся 22 снежня 1965 года ў мястэчку Віланова-і-ла-Жэлтру[en], правінцыя Барселона, Каталонія, Іспанія.
Здымацца ў кіно пачаў у самым пачатку 1990-х гадоў, яго дэбютам у кіно стаў фільм Мануэля Пур’е[en] «Сяброўка Антоніа[fr]» (1992). Акцёра заўважылі пасля рамантычнай камедыі Пур’е «Вестэрн[en]» (1997), адзначанай Прызам журы Канскага кінафестывалю.
Лопес працягваў здымацца як у роднай Іспаніі, так і ў Францыі. У 1998 годзе ён сыграў разам з зоркай іспанскага кінематографа Вікторыяй Абрыль[en] у эратычнай драме Мануэля Гомеса Перэйры[en] «Між ног[en]», а ў 1999 годзе зняўся ў любоўнай карціне «Лісабон[en]» з Кармен Маўрай.
Вялікую цікавасць як у Еўропе, так і ў Амерыцы выклікала любоўная драма Фрэдэрыка Фантэйна[en] «Парнаграфічная сувязь[en]» (1999), у якой партнёркай Сержы Лопеса выступала французская зорка Наталі Бай[en]. Крытыкі па абодва бакі Атлантыкі высока ацанілі і сам фільм, і выдатную ігру абаіх акцёраў.
У 2000 годзе на экраны выйшла карціна Дамініка Моля[en] «Гары — сябар, што жадае вам дабра[en]» — псіхалагічны трылер, шчодра прыпраўлены «чорным гумарам». За цудоўнае выкананне галоўнай ролі Лопес быў удастоены прэміі «Сезар» і «Еўрапейскай кінапрэміі», як найлепшы акцёр.