Сен-Назер (фр.: Saint-Nazaire, брэт.: Sant-Nazer) — партовы горад на захадзе Францыі, знаходзіцца ў рэгіёне Пеі-дэ-ла-Луар, дэпартамент Атлантычная Луара, цэнтр акругі Сен-Назер і кантонаў Сен-Назер-1 і Сен-Назер-2. Размешчаны на правым беразе ракі Луары ў месцы ўпадзення яе ў Біскайскі заліў, за 59 км на захад ад Нанта, канцавы пункт нацыянальнай аўтамагістралі N171. У цэнтры горада знаходзіцца чыгуначная станцыя Сен-Назер ліній Тур — Сен-Назер і Сен-Назер — Круазік.
Насельніцтва (2017) — 69 993 чалавекі.