Се́на і Уа́за (фр.: Seine-et-Oise) — колішні дэпартамент Францыі. Створаны ў 1790, скасаваны ў 1968. Цэнтр — Версаль. Плошча дэпартамента складала 5603 км²[1].
Меў код 78. Падзелены на наступныя тры новыя дэпартаменты: Эсон, Валь-д’Уаз і Івелін; шэраг яго камун увайшлі таксама ў іншыя дэпартаменты.
У канцы XIX — пачатку XX стагоддзя ў дэпартаменце Сена і Уаза было развіта земляробства, авечкагадоўля (парода рамбулье), воўнапрадзільная, панчошная вытворчасць; былі пабудаваны фарфоравы завод, чыгуналіцейны, машынабудаўнічыя і хімічныя заводы[1].