wd wp Пошук: ⬜

Сенат Рэспублікі Сербскай

Сенат Рэспублікі Сербскай — кансультатыўны орган вышэйшых канстытуцыйных органаў Рэспублікі Сербскай. Закон аб Сенаце Рэспублікі Сербскай быў прыняты 4 красавіка 1997 г.

Склад

У адпаведнасці з арт. 89 Канстытуцыі Рэспублікі Сербскай Сенат складаецца з 55 членаў, назначаных Прэзідэнтам Рэспублікі. Гэта вядомыя дзеячы грамадскага, навуковага і культурнага жыцця. Сенатары прызначаюцца на 7 гадоў з магчымасцю прызначэння на наступны тэрмін[1]. Пасяджэнні Сената праходзяць пад старшынствам Прэзідэнта. Сенат пачынае працаваць, калі Прэзідэнт прызначае па меншай меры палову ад агульнай колькасці сенатараў.

Паўнамоцтвы

Сенат Рэспублікі Сербскай разглядае важнейшыя пытанні палітычнага, нацыянальнага, эканамічнага і культурнага развіцця Рэспублікі Сербскай:

1. канстытуцыйнае і прававое становішча Рэспублікі Сербскай і знешнепалітычныя пытанні ў адпаведнасці з суверэнітэтам і тэрытарыяльнай цэласнасцю Босніі і Герцагавіны;
2. прыняцце паправак да Канстытуцыі Рэспублікі Сербскай і праектаў законаў;
3. пытанні працы ў дзяржаўных ўстановах Босніі і Герцагавіны ў сувязі з пытаннем статуса Рэспублікі, а таксама пытанні ўзаемаадносін паміж энцітэтамі Босніі і Герцагавіны;
4. пытанні развіцця і эканомікі Рэспублікі Сербскай;
5. пытанні па справах бежанцаў, перамешчаных асоб і рэпатрыянтаў;
6. пытанні пра адносіны з суседнімі краінамі, а таксама пытанні развіцця адносінаў з дыяспарай па ўсім свеце
7. і інш.

Зноскі

1. ↑ Народна скупштина Републике Српске: 1991 — 2011

Тэмы гэтай старонкі (2):
Катэгорыя·Вікіпедыя·Ізаляваныя артыкулы/сірата0
Катэгорыя·Рэспубліка Сербская