Сві́рнавая моль[1], зерневая моль[1], Зярнёвая моль[2] (Nemapogon granella) — матылёк з сямейства сапраўдных молей. Шкоднік зерня, сухафруктаў, кандытарскіх вырабаў. Пашырана паўсюдна. У прыродзе сустракаецца ў гнілой драўніне і дрэвавых грыбах.
Крылы размаху 9—14 мм, пярэднія — серабрыста-шэрыя з цёмнымі плямамі, заднія — вузкія, шэрыя ці бураватыя. Матылькі першага пакалення з’яўляюцца вясной, адкладваюць яйкі на зерне. Вусень — да 10 мм.