Свінарэйка — возера ў Кобрынскім раёне Брэсцкай вобласці Беларусі, за 38 км на паўднёвы ўсход ад горада Кобрын, ля вёскі Лелікава, за 2,4 км ад мяжы з Украінай, у басейне ракі Мухавец.
Плошча паверхні 0,18 км², даўжыня 0,53 км, шырыня 0,48 км. Даўжыня берагавой лініі 1,19 км. Найбольшая глыбіня 1,1 м, сярэдняя – 0,5 м. Дно сапрапелістае.
На поўначы злучана меліярацыйным каналам з каналам Арэхаўскі. На поўдні ўпадаюць тры меліярацыйныя каналы. Зарастае ўмерана.
У возеры водзяцца шчупак, акунь, плотка, карась і іншыя віды рыб.
