Спаса-Ефрасіннеўскі манастыр — жаночы праваслаўны манастыр у Беразвеччы (сёння вёска ўваходзіць у склад Глыбокага), Беларусь. Знаходзіцца на вуліцы Францыска Скарыны, 77[1].
Дата заснавання Беразвецкага манастыра дакладна не ўстаноўлена.
Пасля скасавання ўніяцтва ў 1839 годзе манастыр быў перададзены пад юрысдыкцыю праваслаўнай царквы. Да канца 1860-х гадоў абіцель прыйшла ў заняпад, і ў 1874 годзе па загадзе Свяцейшага Сінода яна была скасавана.
Адраджэнне манастыра адбылося ў 1901 годзе па хадатайніцтве Літоўскага архіепіскапа Ювеналія (Полаўцава). У гэты перыяд праводзіцца капітальны рамонт манастырскага Петра-Паўлаўскага сабора і карпусоў.
У 1915 годзе ў сувязі з пагрозай нямецкага наступлення беразвецкія манахіні былі вымушаны эвакуіравацца ў горад Ялец Арлоўскай губерні.
У 1919 годзе абіцель была перададзена пад юрысдыкцыю каталіцкай царквы.
Падчас Другой сусветнай вайны на тэрыторыі манастыра быў створаны канцэнтрацыйны лагер. У пасляваенны час Петра-Паўлаўскі сабор быў разбураны, а будынкі абіцелі заняла турма.
12 жніўня 2004 года было вырашана адрадзіць Беразвецкі Міхаіла-Архангельскі жаночы манастыр. Першы пабудаваны храм быў асвечаны ў гонар святога Міхаіла[2].