Саўл Майсеевіч Бухман, ці Шавель Хаімавіч Бухман (11 мая 1903 — 23 жніўня 1961) — савецкі ваенны ўрач і арганізатар аховы здароўя. Палкоўнік медыцынскай службы[1].
Скончыў медыцынскі факультэт Беларускага дзяржаўнага ўніверсітэта ў 1927 годзе[1].
У Чырвонай Арміі з 1928 года. Служыў на пасадах дывізійнага ўрача, начальніка санітарнага корпуса, начальніка санітарнага аддзела 3-й арміі Заходняй асобай ваеннай акругі, 22-й арміі (1933—1945). Прымаў удзел у вызваленні Заходняй Беларусі. Пасля вайны працаваў начальнікам навучальнай часткі ваеннай кафедры Мінскага медыцынскага інстытута[1].
Пахаваны на Усходніх могілках Мінска (Беларусь), участак 26[1].
Узнагароджаны ордэнамі Леніна, Чырвонага Сцяга, Айчыннай вайны 1 ступені, Чырвонай зоркі, медалямі[1].