У гэтага паняцця ёсць і іншыя значэнні, гл. Сачыўкі (значэнні). Сачы́ўкі[1] (Carpodacus) — род птушак з сямейства ўюрковых, атрад вераб’інападобныя. Налічвае 21 від. На тэрыторыі Беларусі 1 від — сачыўка звычайная (Carpodacus erithrinus) (інш. назва чаромашнік звычайны), якая робіць пералёты да Індыі і Кітая.
Даўжыня цела да 22 см. Вага да 26 г. Нясуць 3—6 яек. Жывуць у хмызняках і ўзлесках. Кормяцца ягадамі, насеннем, зрэдку — насякомымі.