Сант-Агата-дэі-Гоці (італ.: Sant’Agata dei Goti, лац.: Sanctae Agathae in Urbe)- царква ў гонар пакутніцы св. Агаты на ўзгорку Вімінал у Рыме.
Царква пад назвай Sant’Agata in Capite Subura была пабудавана ў IV стагоддзі. У V стагоддзі служыла готам, прыхільнікам арыянства. Папа Рыгор I асвяціў царкву зноў па каталіцкім абрадзе ў 592 годзе. У XVII стагоддзі перабудавана ў стылі барока. На сённяшні дзень захаваліся антычныя гранітныя калоны ва ўнутраным дворыку, мазаічная падлога (у стылі касматэска, XII—XIII стст.) і мармуровы алтар. Фасад працы Франчэска Ферары (1729 года), раманская кампаніла XII стагоддзя.
Царква Сант-Агата-дэі-Гоці з’яўляецца тытулярнай дыяконіі; кардыналам-дыяканам з тытулам Сант-Агата-дэі-Гоці, з 20 лістапада 2010 года з’яўляецца амерыканскі кардынал Рэймонд Леа Бёрк.
На Вікісховішчы ёсць медыяфайлы па тэме Сант-Агата-дэі-Гоці